Cylchgrawn Planet

Amdanom Ni

Gall ymddangos bod gan y cyfryngau modern obsesiwn gyda’r arwynebol a’r ffwrdd â hi. Os ydych yn teimlo’r awydd i ddarllen dadansoddiadau ac iddynt ddyfnder ac sydd yn cynnig persbectif newydd yna tanysgrifiwch i Planet. 

Yn cael ei gyhoeddi yn chwarterol ar ffurf gryno ac yn llawn lliw, mae pob rhifyn 160 tudalen o Planet yn cynnwys y straeon diweddaraf o Gymru ym myd celf a gwleidyddiaeth, yn ogystal â materion amgylcheddol a chymdeithasol. Credwn na all Cymru gael ei deall yn llwyr heb ei gosod mewn cyd-destun rhyngwladol, felly ym mhob rhifyn bydd sylwadau deallus ar faterion byd-eang y dydd. Mae erthyglau diweddar wedi trafod y rhyfel yn Afghanistan a hawliau merched yn y wlad honno, datrysiadau economaidd gwyrdd i’r argyfwng economaidd byd-eang, adfywiad y diwydiant pŵer niwclear, Biennale Fenis a deugain mlwyddiant Canolfan Celfyddydau'r Chapter.

HANES PLANET

LLENYDDIAETH Mae Planet yn cynnwys barddoniaeth a ffuglen newydd gan awduron o Gymru a thu hwnt. Mae diwylliant yn ffynnu pan mae’n bodoli mewn awyrgylch o feirniadaeth fywiog ac mae gennym adran ar gyfer adolygu'r llyfrau diweddaraf mewn nifer eang o feysydd.

GWLEIDYDDIAETH
Mae deng mlynedd o ddatganoli wedi gadael ei farc. Mae Planet wedi cyfweld Aelodau Cynulliad gan gynnwys Alun Ffred Jones, David Melding a Kirsty Williams. Mae Tim Richards yn sylwebydd cyson ar y modd mae’r Cynulliad yn gweithredu ac ar bolisïau'r glymblaid. Rydym yn bwrw golwg ar faterion dwysach yn ogystal. Darllenwch erthyglau Ken Booth a Nicholas J. Wheeler ar greu ymddiriedaeth, Gareth Wyn Jones ar berthynas crefydd a gwyddoniaeth, Ned Thomas ar bolisïau iaith, ac Ilan Pappe a Jasmine Donahaye ar Israel.
                                        
CELF
Mae Celf Gymreig a rhyngwladol, gan gynnwys arlunio, perfformio, ffotograffi a gosodiadau’n rhan hanfodol o bob rhifyn o Planet. Mae Ceridwen Lloyd-Morgan, Peter Lord, Iwan Bala ac Osi Rhys Osmond yn ysgrifennu ysgrifau beirniadol i ni. Mae amrywiaeth o artistiaid yn cael sylw gennym o Christine Kinsey, Ivor Davies a David Tress i Laura Ford a Rabab Ghazoul. Rydym hefyd wedi rhoi sylw i amgueddfeydd tramor arloesol fel u Ganolfan ar gyfer Celf a Natur yn Huesca, Sbaen ac Amgueddfa Quai Branly ym Mharis. Mae hyn i gyd yn cael ei ategu gan adolygiadau o’r arddangosfeydd diweddaraf.

CERDDORIAETH
Mae Planet yn cynnwys cyfweliadau gyda rhai o brif gerddorion Cymru – ymysg y rhai sydd wedi cael sylw yn ddiweddar mae Gruff Rhys, Rhodri Davies a Gai Toms – ac mae colofn ymhob rhifyn yn adolygu'r cryno ddisgiau diweddaraf o’r sin Saesneg a’r Sin Roc Gymraeg.

AMGYLCHEDD
Mae Planet wedi bod ar flaen y gad ers degawdau yn trafod materion amgylcheddol gan roi sylw i faterion cyffredinol sydd yn ymwneud â Chymru ac yn wir o bob rhan o’r byd. Rhoddwyd sylw yn ddiweddar i ynni niwclear ar Ynys Môn, y llinell nwy hylif naturiol trwy dde Cymru a’r frwydr am gynllunio trefol cynaliadwy yn Wrecsam.

THEATR A DAWNS
Mae theatr a dawns yn cael sylw gan Planet gyda cholofnau cyson yn adolygu’r cynyrchiadau diweddaraf o Gymru a thramor.

LLYFRAU
Mae Planet wedi cyhoeddi amrywiaeth o lyfrau gan gynnwys Blue ac O for a Gun gan Nigel Jenkins sydd enghreifftiau o farddoniaeth haiku ar ei orau. Cyhoeddodd Them, cyfrol o straeon byrion grymus gan Xosé Luís Méndez Ferrín sydd yn un o awduron amlycaf Galicia ac sydd wedi cael ei enwebu am wobr Nobel, gan Planet. I gael mwy o wybodaeth am lyfrau Planet ewch i adran lyfrau’r wefan.

Mae Planet yn cael ei gyhoeddi gyda chefnogaeth Cyngor Llyfrau Cymru.